علِّي الضحكة عليها :)

لما بشوف اتنين مبسوطين بجد بفرح كتير ليهم وبحاول أشاركهم فرحتهم وأشجعهم علي الإستمرار.
لما بشوف اتنين متجوزين ايديهم في ايدين بعض وسعداء بجد بفرح وببقي ساعات نفسي أبقي مكانهم .
كنت رايح أصلي الظهر فلقيت واحد بيسرح لحيته ،فقلتله يخي اتق الله

هل يجوز تسريح اللحية ،فقاللي الله أعلم ،قلتله يعني اللحية خلق الله والمشط من صنع البشر ومينفعش تخلط الاتنين ببعض ، للحظة سكت وانفجرنا الاتنين في الضحك .
هي دي الحياة مش مستاهلة انك تنكد نفسك علشانها .
إيه المشكلة لو انت بتشتري أكل وقسمت الأكل نصيين بينك وبين ست قاعدة في الشارع؟
شوف قد إيه بجد هتدخل السرور علي قلبها ؟
وكمان هتحس إن الأكل له طعم تاني خالص ومذاق متذوقتوش قبل كده .
ولو شفت حد شايل الهم وحزين بحاول أبعد الهم ده .
امبارح كنت بشتري كبدة وسجق فلقيت صاحب الشغل بيشتكي من أحد العمال وكده ،فبعدها بشوية قلت للعامل : ياعم متشيلش هم كله هيعدي ومتقلقش وابتسمت له ومشيت :)